Curso de Aproveitamento dos Productos Locáis: Conservas e Licores

2011-07-29T05:08:00.000-07:00

O Grupo de Desenvolvemento Rural da Limia GDR-14 está a realizar esta semana (4ª de Xullo de 2011) no Concello de Xinzo de Limia o segundo Curso de Licores e Conservas previsto para este ano cunha acollida e participación máis que boa.

Seguirán a estas dúas iniciativas 3 máis que se van a desenrolar durante as tres semanas seguintes nos Concellos de: Sandiás, Sarreaus e Porqueira que esperamos teñas tan boa acollida como as edicións anteriores.

Datos Folleto

2010-01-12T02:09:00.001-08:00

1. Grupo de Desenvolvemento Rural da Limia

O Grupo de Desenvolvemento Rural da Limia – GDR14 nace no ano 2008 ca encomenda da Xestión do Programa Leader Galicia 2007 – 2013, sendo o obxectivo final a mellora da calidade de vida dos habitantes da Comarca da Limia.

A Comarca da Limia abrangue os concellos de Sandiás, Os Blancos, Xinzo de Limia, Baltar, Sarreaus, Trasmiras, Porqueira, Vilar de Barrio e Calvos de Randín.

O territorio de actuación está localizado no centro de provincia de Ourense e conta con boas vías de comunicación ca capital da provincia.

A comarca posúe un marcado carácter agrario e conta con zonas de alto valor ambental.

2. Cómo funciona o Grupo de Desenvolvemento Rural.

O Grupo de Desenvolvemento Rural da Limia GDR-14 elaborou unha extratexia de desenvolvemento onde participaron activamente na toma de decisión e aportación de ideas a maioría dos diferentes sectores sociais da Comarca: sindicatos, empresarios, comerciantes, alcaldes, técnicos, asociacións de mulleres, capataces forestáis, agricultores e gandeiros, colectivos de minusválidos.

O Grupo de Desenvolvemento Rural da Limia GDR-14 actúa como colaborador de Agader na tramitación das axudas e como dinamizador e asesor dos promotores da Comarca

3. Liñas de Actuación

Para o período de actuación 2007 – 2013 establécense diversas liñas de axuda que fomentan o espíritu innovador dos proxectos priorizándose os proxectos produtivos nos eidos agroalimentarios e forestáis. Do mesmo xeito para os Proxectos non productivos as actuacións do Grupo centraránse en conquerir cubrir as novas necesidades da población rural para así mellorar a súa calidade de vida.

LIÑAS DE AXUDA

A. SECTOR AGRARIO / FORESTAL

Liña de Axuda I: Investimentos no sector agrario.

- Introdución de novas técnicas de producción

- Recuperación de variedades tradicionáis

- Apoio a novas producións

- Produccións extensivas en áreas ambientalmente sensibles

- Mellora da eficiencia enerxética das explotacións

- Aplicación das TIC nas explotacións.

Liña de Axuda II: Aumento do valor económico dos montes.

- Posta en valor de superficies de montes veciñais en man común ou de asociacións de propietarios, sempre que sexan actuacións singulares.

Liña de Axuda III: Aumento do valor engadido dos produtos agrarios e forestais.

- Proxectos de transformación e comercialización de produtos agrarios e forestáis.

Liña de Axuda IV: Cooperación para o desenvolvemento de novos produtos, procesos e tecnoloxías no sector agrario, alimentario e forestal.

B. MELLORA DO CONTORNO RURAL

Liña de Axuda I: Investimentos non produtivos en explotacións agrarias

- Actuacións realizadas na explotación para a mellora da paisaxe en zonas Natura 2000 ou outras zonas de alto valor natural

- Actuacións de recuperación de elementos históricos, naturais, culturais e patrimoniais representativos da paisaxe agraria.

Liña de Axuda II: Investimentos non produtivos en espazos forestais,

- Restauración de ámbitos forestais de alto valor natural e paisaxístico e de conservación da biodiversidade

- Fomento do uso social, educativo e recreativo dos montes.

Liña de Axuda III: Investimentos non produtivos para a adecuación, recuperación e posta en valor do patrimonio natural no contorno rural.

C. DIVERSIFICACIÓN DA ECONOMÍA RURAL E MELLORA DA CALIDADE E VIDA.

Liña de Axuda I: Diversificación das explotacións agrarias cara a actividades non agrarias. Proxectos que impliquen o inicio ou mellora dunha actividade produtiva complementaria

- Transformación e venda de produtos agrarios ou especialidades locais na propia explotación

- Elaboración e venda de produtos artesanáis

- Agroturismo: acondicionamento e mellora das instalacións da explotación agraria de cara a ofrecer servizos turísticos complementarios ao aloxamento.

- Servizos educativos, culturais, recreativos, ambientais asociados á valorización de patrimonio natural e/ou cultural ou a ecosistemas agrarios e/ou forestais do territorio.

- -Prestación de servizos á poboación.

Liña de Axuda II: Creación, ampliación, modernización e/ou traslado de Pemes, en sectores da economía distintos ao da produción agraria primaria.

Liña de Axuda III: Fomento de actividades turísticas:

- Infraestruturas a pequena escala, tales como centros de información turística.

- Rutas de sendeirismo e outras infraestruturas turísticas.

- Desenvolvemento e/ou a comercialización de novos produtos e servizos turísticos relacionados co turismo rural.

Liña de Axuda IV: Servizos para a economía e a poboación rural:

- Implantación de servizos, incluídas as actividades culturais e de lecer, para a poboación rural. dos sectores produtivos do territorio.

Liña de Axuda V: Conservación e mellora do patrimonio rural:

- Mantemento, restauración e mellora do patrimonio natural.

- Desenvolvemento de lugares de alto valor natural.

- Mellora e posta en valor do patrimonio cultural.

4. Beneficiarios:

Poderán beneficiarse das axudas:

- Calquera persoa física ou xurídica de carácter privado que promova una proxecto no ámbito de actuación do GDR 14.

- As entidades públicas de carácter local ou comarcal: concellos, mancomunidades, consorcios e entidades dependentes das anteriores.

- As comunidades de montes veciñáis en man comun e as súas mancomunidades.

A valoración do GDR 14 determinará a porcentaxe de subvención para cada proxecto e función dun baremo público e obxectivo.

Para os proxectos de natureza productiva (os que se destiñan a producir bens ou prestar servizos orientado ó mercado) non se ha superar nunca o 45 % de axuda pública ata un máximo de 200.000 € ou 250.000 € segundo a tipoloxía do proxecto. Do mesmo xeito para proxectos non productivos (os que se destiñan a prestación de servizos públicos gratuitos, a dotacións ou a mellorar da calidade de vida no rural) poden acadar a o 100% do financiamento, aínda que como norma xeral o promotor sempre deberá facer algunha achega económica.

5. Prazo

A data final de admisión de solicitudes dentro do marco do Leader Galicia 2007 - 2013 será ata o 1 de Setembro de 2013.

6. Máis Información

Enderezo provisional:

Casa da Cultura (Biblioteca)

R/ Curros Enríquez, 17

Xinzo de Limia (Ourense)

Teléfonos de contacto: 988.550.111 Extensión: 220 / 618.423.480

Email: comarcadalimia.gdr14@blogspot.com

Poñerse en contacto cos Axentes de Desenrolo Rural (ADL):

- Concellos de Baltar

- Concello de Os Blancos

- Concello de Sarreaus

- Concello de Trasmiras,

- Concello de Xinzo de Limia

- Concello de Vilar de Barrio

- Concello de Calvos de Randín

- Concello de Porqueira

- Concello de Sandiás

GRUPO DE DESENVOLVEMENTO RURAL DA LIMIA

GDR-14

GRUPO DE DESENVOLVEMENTO RURAL DA LIMIA GDR-14

Leader 2007 – 2013

Empeza a andaina do GDR-14

2010-01-12T01:17:00.000-08:00

O Martes 1 de Decembro de 2009 o Grupo de Desenvolvemento Rural da Limia GDR-14 empeza a súa andaina co Plan de Difusión das Axudas Leader 2007 - 2013.